No, Woodberry neva comot prison

One social media post claim sey dem don release Olalekan Ponle, aka Woodberry, from prison.

Di post don gada pass 14,000 views, 213 likes and 83 repost on X.

Woodberry is back. I have the feeling that hushpuppi will soon be released. pic.twitter.com/sGCKN8smpr

— Omo Kogi (Yagba)🦅🦍 (@Oladapomikky1) May 29, 2024

Advertisement

Hushpuppi’s friend , woodberry
has being released. He was arrested for fraud in 2020 and released 4 years later . pic.twitter.com/p29Dv4ML3S

— Champion – wtmg. (@Championwtmg) May 29, 2024

Advertisement

WHO BE WOODBERRY?

Woodberry na Naija internet celebrity and friend of Ramon Abbas, aka Hushpuppi, anoda Nigerian wey enta prison sake of internet fraud in November 2022.

On June 10, 2020, dem arrest both of dem for Dubai, United Arab Emirates, ontop extensive international online fraud.

Dem bin come carry dem go di United States for separate trials.

Woodberry, wey bin dey accused of defrauding one US company of $188,000, bin plead not guilty to di charges for over two years.

However, im come change mouth plead guilty to one-count-charge of wire fraud for change of plea hearing in April 2023, at di US District Court for Northern Illinois.

Robert Gettleman, di presiding judge, accept im change of plea for ruling on April 6, convicted am on 8-count charge.

On July 11 2023, dem sentenced Woodberry to 8 years imprisonment, come order am make im pay back about $8 million in restitution to seven of im victims.

WETIN WE CHECK

To confam di claim and check where Woodberry dey, TheCable look di inmate register of The Federal Bureau of Prisons.

The register dey show di name, register number, age, release date and present location of di inmate.

The search show sey Woodberry currently dey di Fort Dix Federal Correctional Institution and im release date na October 2027, two years before Huspuppi go comot.